पो़नो़तिया़ जनजा़ती हिंजला मेला 2023

3 फरवारी सेरमा 1890 ईस्वी रे पारो़मेन अंग्रेज जिला साहेब जाॅन राबर्टस कास्टेर्यसाक् ओ़क्ते हिंजला मेला दो़य एहोप् लेदा। नोंका को ला़य आ़गु एत् ताहें काना जे नोंडेनाक् आ़गिल हापड़ाम खो़न हेच् हिजूक कान आ़री-चा़ली आर साँवता रेयाक् आ़न-आ़री रेयाक् बुझा़व आर नोंडेन को हो़ड़को साॅव ते साीधा गापालमाराक् रेयाक् जो़सतेत् ला़गित् मेला को एतो़होप लेदा। नो़आ बाबो़त् रे हिंजला साबाद रेयाक् एतो़हो़प् हों आपनाराक् आ़न-आ़री खो़न को मानावेदा । मित् टेच् बाताव दो नो़आ हो काना जे नोंडेनाक् हिंजला आतो़ लेकाते हिंजला मेला ञुतूम तेको़ निमदाक् मांडी केदा। सेरमा 1975 रे संताल परगना रेन पारो़मेन का़मिसनो़र साहेब मानो़तान जी0आर0पटवर्धनाक् आयुर रे हिंजला मेला खो़न लाहा रे जनजा़ती साबाद को जोड़ावादा। झारखण्ड सो़रकार नो़आ मेला दो़ सेरमा 2008 खो़न मित् माराङ पो़रो़ब रूप रे मानावे गो़टा केदा आर 2015 रे नो़आ मेला दो़ पो़नो़तिया़ मेला रेयाक् दारजाय एमा वादा, ओ़ना तायनो़म नो़आ मेला पो़नो़तिया़ जनजा़ती हिंजला मेला माराङ पो़रो़ब ञुतूम ते ञुमूगोक् काना।
आसो़कायते नो़आ मेला दो़ माघ आर फागुन रेयाक् सा़गुन माँहाँ रेको मानावेदा नो़आ ओ़क्ते हा़बिच् ते आतो़ रेयाक् चासा का़मी खो़न मो़को़ञ् काते कुसी रा़सका़ रेयाक् मो़ने रेको ताहेंन काना। सोहराय पो़रो़ब बाबो़त् रे बसंती हो़य रेयाक् रा़सका़ आर फा़गुन चाँदो कूना़मी रे तुरूय गो़टेच् रानाकाबो़क् रेयाक् ताला माला गो़टा पो़नो़त् रेयाक् जो़तो़वाक् ते पुरून आकान सेदाय खो़न हेच् हिजूक् कान आ़री-चा़ली सा़रीयाक् ते पूरा जाक् जो़मो़क् सालात् मो़ज ते ञेल तो़दारो़तोक् काना। नो़आ मेला दो एकेन जनजाती जा़त रेन को़दो़ बाङ बिचकोम नोंडेन को एटाक् जनजाती जा़त रेन कोवाक् जो़तो़ को मिलाव कातेत् हेच् हिजूक् कान हाहाड़ा रेयाक् सोम्पो़के ञेल तो़दारा़त् एदा। त्रिकूट डूँगरी खो़न ओ़डो़क् आकान मो़र गाडा आर डूँगरी चा़टा़यनी ताला-झाला रे गो़डा बेडा ते साजाव आकान ताला रे हिंजला मेला हो़यो़क् काना। गाडा दाक् आ़तूक् हाडाक्- डाबाक् आर चेड़े चिपरूप् को़वाक् लिठूर आड़ाङ ताला रे तुम्दाक्-टामाक् ढो़ल दाक्, लिपूर पायगा़न रेयाक् झाम-झाम साडे, माॅनवाॅ को आलगाते जो़तो़ को़गे एनेच् साना को़आ।
मेताक् में सानाम को़ ला़गित् सिरजो़न रेयाक् हुडिञ् खो़न हुडिञ् दारे साकाम डिपिडो़क् काना। हिंजला मेला रेदो़ एमानतेयाक् ते पेरेच् आकाना। ओ़कारेदो़ मित् टेच् जनजा़ती याक् आ़री-चा़ली एनेच्-सेरेज को उदूक् एत् काना, नोंडे गे आरहों भीतरी एनेच् आखड़ा रे दिन मो़र गिदरा़ को़वाक् हापाराव, रोड़ हापाराव, काथा एपेसेत् हापाराव, आर आ़किलमान को होतेते गापालमाराव रेयाक् ओ़राम ञिंदा़ दो़ को़लेज को़ड़ाको़ हो़तेते आपनाराक् आ़री-चा़ली लेकाते एनेच् सेरेञ् दो़ल हो़तेते हापाराव आर आयुप् एनेच्-सेरेञ् दो़ल हो़तेते हापाराव आर आयुप् एनेच्-सेरेञ् रेदो़ दिसो़म रेन, आर एटाक् दिसो़म रेन एनेच्-सेरेञ् काटीगो़ल/गायनाहा को़को़ उदूक् एदा। दाड़ दो़न हापाराव साँव-साँवते पुथी आर जो़म ञुँ कुसी- रा़सका़, माल-झाल एमााान को बाबो़त् जागा हा़टिज् रे दो़कान को लागावेदा, तोबे का़मियाँ कोवाक् नाहाॅक ता़रीका लेकाते बाडाय ओ़चो़ को ला़गित् चासा टारनिंग, बंगान आर हाको़ साहेब को हो़तेते उदूगो़क् काना। जुदी आम हो़ड़ाक् आ़री-चाली आर हो़ड़ोक् एनेच्-सेरेञ् दो़ खा़न्दरी खो़न बाडायजो़ङ सानायेत् मेया जुदी आम सिरजो़न साँव जो़नो़ड़ाव मेनाक् ताम खान, सेदाय खोन हेच् हिजूक् कान एनेच्-सेरेञ् आर ओ़ना रेयाक् राड़ लाहा सेच् मिला़क् जा़रूड़ा। जुदी आम दो़ हो़ड़ भा़ला़क् जारूड़ा। जुदी आम दो़ हो़ड़ भा़ला़ई मेला ञेञेल जा़रूड़ तेगेम सेटेरो़क् आ।